ولیم جیمس

ولیم جیمس
(انگریزی میں: William James)
معلومات شخصیت
پیدائش	11 جنوری 1842ء
وفات	26 اگست 1910ء (68 سال)  ٹیمورتھ
وجہ وفات	عَجزِ قلب
طرز وفات	طبعی موت
شہریت	ریاستہائے متحدہ امریکا
رکن	امریکی اکادمی برائے سائنس و فنون ،  سائنس کی پروشیائی اکیڈمی ،  قومی اکادمی برائے سائنس
بہن/بھائی	ہنری جیمز
عملی زندگی
مادر علمی	ہارورڈ میڈیکل اسکول ہارورڈ یونیورسٹی
پیشہ	فلسفی ،  ماہر نفسیات ،  استاد جامعہ ،  طبیب ،  مصنف
پیشہ ورانہ زبان	انگریزی
شعبۂ عمل	فلسفہ ،  نفسیات
ملازمت	ہارورڈ یونیورسٹی
مؤثر	پاسکل
تحریک	نتائجیت

امریکی فلسفی۔ ہنری جیمز سینئر جو خود فلسفی اور ماہر نفسیات تھا، کا بیٹا اور ناول نگار ہنری جیمز جونیئر کا بھائی نیو یارک میں پیدا ہوا۔ 1870ء میں ہارورڈ یونیورسٹی سے ایم۔ ڈی کی ڈگری حاصل کی اور وہیں تمام عمر تشریح الابدان، عضویات، نفسیات اور فلسفے کی تعلیم دیتا رہا۔ اس کے نزدیک خیالات اشیا کی تخلیق نہیں کرتے بلکہ ان کی تخلیق کے لیے راہ ہموار کرتے ہیں۔ علم تومحض آلہ کار ہے اصل اہمیت ارادے اور عمل کو حاصل ہے۔

ولیم جیمز ۔ ماہرِ نفسیات اور فلسفی ۔ نتائجیت (Pragmatism) کے بانی کی حیثیت سے اسے بڑی شہرت ملی جس سے ولیم جیمز امریکی فلسفے کی شناخت بن گیا۔ ولیم جیمز کی کتاب "The Varities of Religious Experience" کا اُردو ترجمہ علامہ اقبال کے ایما پر ہی ڈاکٹر خلیفہ عبدالحکیم نے ’’وارداتِ نفسیاتِ روحانی‘‘ کے نام سے کیا۔ علامہ اقبال نے ولیم جیمز کا ذکر اپنی انگریزی بیاض اور خطبات میں بھی کیا ہے۔ ولیم جیمز کی نتائجیت اور اس کے نفسیات کے مطالعے پر اقبال نے کوئی نقد نہیں کیا بلکہ انھیں مشاہدہ باطن اور مذہبی واردات کے حوالے سے پزیرائی دی‘ جبکہ مغرب میں بعد میں کچھ لوگوں نے اس کو ہدفِ تنقید بنایا۔ ولیم جیمز کا انتقال 26 اگست 1910ء کو ہوا۔